15 Դեկտեմբերի 2005, 985 - Ա
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՅԼԷԹՆԻԿ ՔԱՂԱՔԱՑԻՆԵՐԻ ԵՎ ԷԹՆԻԿ ՓՈՔՐԱՄԱՍՆՈՒԹՅՈՒՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԻԾԸ ԼՐԱՄՇԱԿՈՂ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ
Ղեկավարվելով Հայաստանի Հանրապետության Նախագահի 2002 թվականի մարտի 16-ի «Հայաստանի Հանրապետության կառավարության գործունեության կարգը սահմանելու մասին» N ՆՀ-1064 հրամանագրի 67-րդ կետի «բ» ենթակետով`
1. «Հայաստանի Հանրապետության այլէթնիկ քաղաքացիների և էթնիկ փոքրամասնությունների մասին» Հայաստանի Հանրապետության օրենքի նախագիծը լրամշակելու նպատակով ստեղծել աշխատանքային խումբ և հաստատել դրա կազմը` համաձայն հավելվածի:
2. Աշխատանքային խմբի ղեկավարին`
ա) երկշաբաթյա ժամկետում լրամշակել «Հայաստանի Հանրապետության այլէթնիկ քաղաքացիների և էթնիկ փոքրամասնությունների մասին» Հայաստանի Հանրապետության օրենքի նախագիծը.
բ) աշխատանքների արդյունքի մասին զեկուցել Հայաստանի Հանրապետության վարչապետին:
