23 Մարտի 2011, 219 - Ա
Հ. ՊՈՂՈՍՅԱՆԻ՝ ՄՈՍԿՎԱ ԵՎ ԴՈՒՇԱՆԲԵ ԳՈՐԾՈՒՂՈՒՄՆԵՐԻ ԾԱԽՍԵՐԻ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. ԱՊՀ մասնակից պետությունների Հումանիտար համագործակցության միջպետական հիմնադրամի և ԱՊՀ մասնակից պետությունների մշակութային համագործակցության և զբոսաշրջության խորհուրդների կողմից կազմակերպվելիք առաջին համաժողովին, ԱՊՀ մասնակից պետությունների Հումանիտար համագործակցության միջպետական հիմնադրամի և Հումանիտար համագործակցության խորհրդի ընդլայնված համատեղ նիստին, ինչպես նաև ԱՊՀ հումանիտար ոլորտի ճյուղային գերատեսչությունների ղեկավարների համակարգող խորհրդակցությանը մասնակցելու նպատակով Հայաստանի Հանրապետության մշակույթի նախարար Հ. Պողոսյանի՝ 2011 թվականի մարտի 15-16-ը Մոսկվա (Ռուսաստանի Դաշնություն) և 2011 թվականի մարտի 17-ին Դուշանբե (Տաջիկստանի Հանրապետություն) գործուղումների հետ կապված ծախսերը կատարել՝
1) Մոսկվա գործուղման հետ կապված օրապահիկի և Դուշանբե գործուղման հետ կապված ծախսերը՝ «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 08 բաժնի 02 խմբի 05 դասի «04. Մշակութային միջոցառումների իրականացում» ծրագրով Հայաստանի Հանրապետության մշակույթի նախարարությանը նախատեսված միջոցների հաշվին:
2. Ընդունել ի գիտություն, որ Հ. Պողոսյանի՝ Մոսկվա գործուղման հետ կապված ճանապարհածախսը և հյուրանոցի ծախսերը կկատարվեն ԱՊՀ Հումանիտար համագործակցության միջպետական հիմնադրամի հաշվին։
3. Հայաստանի Հանրապետության մշակույթի նախարար Հ. Պողոսյանին՝ եռօրյա ժամկետում Հայաստանի Հանրապետության կառավարության աշխատակազմ ներկայացնել Մոսկվա և Դուշանբե գործուղումների արդյունքների մասին հաշվետվություն։
