18 Ապրիլի 2009, 312 - Ա
Ա. ԳԵՎՈՐԳՅԱՆԻՆ, Գ. ԵԳԱՆՅԱՆԻՆ ԵՎ Ս. ԱՄԻՐԲԵԿՅԱՆԻՆ ՊՐԱՀԱ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝
1. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար Ա. Գևորգյանին, Հայաստանի Հանրապետության տարածքային կառավարման նախարարության միգրացիոն գործակալության պետ
Գ. Եգանյանին և Հայաստանի Հանրապետության տարածքային կառավարման նախարարի խորհրդական Ս. Ամիրբեկյանին 2009 թվականի ապրիլի 26-28-ը գործուղել Պրահա (Չեխիայի Հանրապետություն)՝ «Միգրացիոն գործընկերության կառուցում» նախարարական համաժողովին մասնակցելու համար։
2. Ա. Գևորգյանի, Գ. Եգանյանի և Ս. Ամիրբեկյանի` Պրահա գործուղման հետ կապված ծախսերը կատարել Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին։
3. Ընդունել ի գիտություն, որ Ա. Գևորգյանի, Գ. Եգանյանի և Ս. Ամիրբեկյանի` Պրահա գործուղման հետ կապված կեցության ծախսերը կկատարվեն հրավիրող կողմի հաշվին։
4. Հայաստանի Հանրապետության արտաքին գործերի նախարարին` լուծել
Ա. Գևորգյանի, Գ. Եգանյանի և Ս. Ամիրբեկյանի` Պրահա մեկնելու հետ կապված հարցերը։
5. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար Ա. Գևորգյանին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Պրահա գործուղման արդյունքների մասին հաշվետվություն։
