17 Մարտի 2009, 222 - Ա
ՊԱՏՎԻՐԱԿՈՒԹՅՈՒՆ ՄԻՆՍԿ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`
1. Տնտեսական համագործակցության հարցերով հայ-բելառուսական միջկառավարական համատեղ հանձնաժողովի 7-րդ նիստին մասնակցելու նպատակով 2009 թվականի մարտի 17-20-ը Մինսկ (Բելառուսի Հանրապետություն) գործուղել պատվիրակություն` համաձայն հավելվածի։
2. Հայաստանի Հանրապետության պատվիրակության անդամների` Մինսկ գործուղման հետ կապված ծախսերը (բացառությամբ գիշերավարձի ծախսերի, որոնք կկատարվեն հրավիրող կողմի հաշվին) կատարել`
1) Ն. Երիցյանինը, Ս. Խաչատրյանինը, Ս. Կարայանինը, Լ. Ռուխկյանինը,
Գ. Քոչարյանինը և Ա. Գրիգորյանինը` Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.
2) Ա. Աբրահամյանինը` Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների հաշվին.
3) Շ. Քոչարյանինը և Ա. Գրիգորյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին։
3. Ընդունել ի գիտություն, որ`
1) Ռ. Հարությունյանի` Մինսկ գործուղման հետ կապված ծախսերը կկատարվեն «Զարգացման հայկական գործակալություն» փակ բաժնետիրական ընկերության միջոցների հաշվին.
2) Ա. Սարգսյանի, Ա. Հակոբյանի, Վ. Ղազարյանի, Է. Դիլանյանի, Վ. Ղազարյանի,
Խ. Գևորգյանի, Զ. Անդրիասյանի, Ս. Մաթևոսյանի, Ա. Ղուկասյանի, Գ. Ղազարյանի,
Է. Խառատյանի, Ա. Ավագյանի և Խ. Աթանեսյանի` Մինսկ գործուղման հետ կապված ծախսերը կկատարվեն համապատասխան գործուղող կազմակերպությունների հաշվին։
4. Հայաստանի Հանրապետության արտաքին գործերի նախարարին` լուծել պատվիրակության` Մինսկ մեկնելու հետ կապված հարցերը։
5. Հայաստանի Հանրապետության էկոնոմիկայի նախարար Ն. Երիցյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Մինսկ գործուղման արդյունքների մասին հաշվետվություն։
u_files/file/decrees/varch/2009/03/09_222.pdf
