16 Նոյեմբերի 2007, 797 - Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետի և «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության գործունեության և տնտեսության առկա իրավիճակի ուսումնասիրման և իրատեսական գնահատման նպատակով`
1. Ստեղծել միջգերատեսչական հանձնաժողով հետևյալ կազմով`
Վ. Տերտերյան - ՀՀ տարածքային կառավարման նախարարի տեղակալ (հանձնաժողովի նախագահ)
Հ. Բեգլարյան - ՀՀ տրանսպորտի և կապի նախարարի առաջին տեղակալ
Կ. Աթոյան - ՀՀ ֆինանսների և էկոնոմիկայի նախարարի տեղակալ
Ռ. Ալավերդյան - ՀՀ քաղաքաշինության նախարարի տեղակալ
Ս. Պապյան - ՀՀ բնապահպանության նախարարի տեղակալ
Խ. Վարդանյան - ՀՀ կառավարության աշխատակազմի տարածքային կառավարման և տեղական ինքնակառավարման վարչության պետ
Մ. Մուրադյան - ՀՀ կառավարությանն առընթեր ազգային անվտանգության ծառայության ներկայացուցիչ
Հ. Մելքումյան - Երևանի քաղաքապետարանի աշխատակազմի տրանսպորտի վարչության երթևեկության կառավարման բաժնի պետ
Փ. Յայլոյան - «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության տնօրենի ժամանակավոր պաշտոնակատար
Կ. Աթայան - «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության փոխտնօրեն
Ա. Շաքարյան - «Երևաննախագիծ» փակ բաժնետիրական ընկերության փոխտնօրեն
2. Միջգերատեսչական հանձնաժողովին` մինչև 2007 թվականի դեկտեմբերի 1-ը կազմակերպել «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության գործունեության և տնտեսության առկա իրավիճակի (ենթակառուցվածքների, տեխնիկական շահագործման և անվտանգության, շարժակազմի) ուսումնասիրություններ և ներկայացնել առաջարկությունների փաթեթ Երևանի մետրոպոլիտենի հիմնախնդիրների լուծման վերաբերյալ: