21 Նոյեմբերի 2007, 814 - Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետը և Հայաստանի Հանրապետության նախնական մասնագիտական (արհեստագործական) և միջին մասնագիտական կրթության և ուսուցման համակարգի բարեփոխումների իրականացմանը նպաստելու նպատակով`
1. Ստեղծել նախնական մասնագիտական (արհեստագործական) և միջին մասնագիտական կրթության և ուսուցման հարցերի միջգերատեսչական հանձնաժողով և հաստատել դրա կազմը` համաձայն հավելվածի:
2. Նախնական մասնագիտական (արհեստագործական) և միջին մասնագիտական կրթության և ուսուցման հարցերի միջգերատեսչական հանձնաժողովին` մինչև 2008 թվականի մարտի 30-ը սահմանված կարգով Հայաստանի Հանրապետության կառավարություն ներկայացնել Հայաստանի Հանրապետության նախնական մասնագիտական (արհեստագործական) և միջին մասնագիտական կրթության և ուսուցման համակարգի բարեփոխումների հայեցակարգը, բարեփոխումների իրականացման միջոցառումների ծրագիրը և ժամանակացույցը:
