17 Օգոստոսի 2007, 586 - Ա
Ռ. ԽԱՉԱՏՐՅԱՆԻ ԹԱՂՄԱՆ ՄԱՍԻՆ
Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետին համապատասխան`
1. ՀԽՍՀ ժողովրդական նկարիչ Ռուդոլֆ Խաչատրյանի մահվան կապակցությամբ ստեղծել կառավարական հանձնաժողով հետևյալ կազմով`
Գ. Գյուրջյան - ՀՀ մշակույթի նախարարի տեղակալ (հանձնաժողովի նախագահ)
Հ. Բեգլարյան - ՀՀ տրանսպորտի և կապի նախարարի առաջին տեղակալ
Կ. Արեյան - Երևանի քաղաքապետի առաջին տեղակալ
Ա. Ջանջուղազյան - ՀՀ ֆինանսների և էկոնոմիկայի նախարարի տեղակալ-գլխավոր գանձապետ
Լ. Յոլյան - ՀՀ առողջապահության նախարարի տեղակալ
Հ. Հունանյան - ՀՀ ոստիկանության պետի տեղակալ
Ա. Աղասյան - ՀՀ գիտությունների ազգային ակադեմիայի արվեստի ինստիտուտի տնօրեն
Ա. Իսաբեկյան - Երևանի գեղարվեստի պետական ակադեմիայի ռեկտոր
Կ. Աղամյան - Հայաստանի նկարիչների միության նախագահ (համաձայնությամբ)
Գ. Մանասյան - Հայաստանի պետական ֆիլհարմոնիայի տնօրեն
Կ. Վարդանյան - ՀՀ մշակույթի նախարարության աշխատակազմի մշակութային քաղաքականության վարչության պետ
2. Հայաստանի Հանրապետության ֆինանսների և էկոնոմիկայի նախարարին`
1) Ռ. Խաչատրյանի թաղման ծախսերը կատարել Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին.
2) 10-օրյա ժամկետում հանձնաժողովի ներկայացրած հաշվետվության հիման վրա Հայաստանի Հանրապետության կառավարություն ներկայացնել համապատասխան առաջարկություն:
