18 Հուլիսի 2007, 482 - Ա
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2002 թվականի մարտի 16-ի ՆՀ-1064 հրամանագրի 67-րդ կետի «բ» ենթակետի՝
1. «Երևան քաղաքի մասին» Հայաստանի Հանրապետության օրենքի նախագծի մշակման աշխատանքները կազմակերպելու նպատակով ստեղծել միջգերատեսչական հանձնաժողով հետևյալ կազմով՝
Հ. Աբրահամյան - ՀՀ փոխվարչապետ, ՀՀ տարածքային կառավարման նախարար (հանձնաժողովի նախագահ)
Դ. Հարությունյան- ՀՀ Ազգային ժողովի պետական-իրավական հարցերի մշտական հանձնաժողովի նախագահ (համաձայնությամբ)
Գ. Դանիելյան- ՀՀ արդարադատության նախարար
Վ. Վարդանյան- ՀՀ քաղաքաշինության նախարար
Ե. Զախարյան- Երևանի քաղաքապետ
Մ. Վարդանյան- ՀՀ կառավարությանն առընթեր անշարժ գույքի կադաստրի պետական կոմիտեի նախագահ
Պ. Սաֆարյան- ՀՀ ֆինանսների և էկոնոմիկայի նախարարի առաջին տեղակալ
Գ. Մհերյան- ՀՀ Նախագահի օգնական
Կ. Մարգարյան- ՀՀ կառավարության աշխատակազմի քաղաքաշինության և բնական ռեսուրսների վարչության պետ
2. Միջգերատեսչական հանձնաժողովին՝ մինչև 2007 թվականի սեպտեմբերի 3-րդ տասնօրյակը Հայաստանի Հանրապետության կառավարության քննարկմանը ներկայացնել «Երևան քաղաքի մասին» Հայաստանի Հանրապետության օրենքի նախագիծը:
3. Ուժը կորցրած ճանաչել Հայաստանի Հանրապետության վարչապետի
2006 թվականի ապրիլի 14-ի «Միջգերատեսչական հանձնաժողով ստեղծելու մասին» N 252-Ա որոշումը:
