4 Հուլիսի 2017, 684 - Ա
ԱՇՈՏ ՄԱՆՈՒԿՅԱՆԻՆ ՄՈԼԴՈՎԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով uահմանված կարգի 121-րդ կետի 3-րդ ենթակետի`
1. Հայաստանի Հանրապետության էներգետիկ ենթակառուցվածքների և բնական պաշարների նախարար Աշոտ Մանուկյանին 2017 թվականի հուլիսի 10-11-ը գործուղել Մոլդովայի Հանրապետություն (Քիշնև)` Արևելյան գործընկերության էներգետիկայի նախարարների ոչ պաշտոնական հանդիպմանը մասնակցելու համար:
2. Ընդունել ի գիտություն, որ Աշոտ Մանուկյանի` Մոլդովայի Հանրապետություն (Քիշնև) գործուղման հետ կապված ծախսերը կատարվելու են հրավիրող կողմի հաշվին:
3. Հայաստանի Հանրապետության էներգետիկ ենթակառուցվածքների և բնական պաշարների նախարարին՝ գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Մոլդովայի Հանրապետություն գործուղման արդյունքների մասին հաշվետվությունը:
