12 Ապրիլի 2016, 275 - Ա
ՀԱՅԿ ՀԱՐՈՒԹՅՈՒՆՅԱՆԻՆ ԻՍԼԱՆԴԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով uահմանված կարգի 121-րդ կետի 3-րդ ենթակետի`
1. Հայաստանի Հանրապետության էներգետիկայի և բնական պաշարների նախարարի տեղակալ Հայկ Հարությունյանին 2016 թվականի ապրիլի 25-30-ը գործուղել Իսլանդիայի Հանրապետություն (Ռեյկյավիկ)՝ Համաշխարհային երկրաջերմային էներգիայի զարգացման ծրագրի շուրջ 3-րդ կլորսեղան քննարկմանը, ինչպես նաև Իսլանդիայի Հանրապետության երկրաջերմային համաժողովին մասնակցելու համար:
2. Ընդունել ի գիտություն, որ Հայկ Հարությունյանի` Իսլանդիայի Հանրապետություն (Ռեյկյավիկ) գործուղման հետ կապված ծախսերը կատարվելու են հրավիրող կողմի հաշվին:
3. Հայաստանի Հանրապետության էներգետիկայի և բնական պաշարների նախարարին` ապահովել գործուղումից վերադառնալուց հետո եռօրյա ժամկետում Հայկ Հարությունյանի՝ Իսլանդիայի Հանրապետություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:
