Հայաստանի Հանրապետության էլեկտրոնային կառավարում | e-gov

 Ղեկավարվելով Հայաստանի Հանրապետության քաղաքացիական օրենսգրքի 112-րդ, 605-րդ, 685-րդ հոդվածներով, Հայաստանի Հանրապետության ջրային
օրենսգրքի 61.1-ին հոդվածով, «Բաժնետիրական ընկերությունների մասին»
Հայաստանի Հանրապետության օրենքի 35-րդ հոդվածով, «Կառավարչական
իրավահարաբերությունների կարգավորման մասին» Հայաստանի Հանրապետության
օրենքի 5-րդ հոդվածի 5-րդ մասով և Հայաստանի Հանրապետության կառավարության 2003 թվականի մարտի 13-ի «Պետական ոռոգման համակարգերը ջրօգտագործողների ընկերություններին ու ջրօգտագործողների ընկերությունների
միություններին անհատույց օգտագործման իրավունքով փոխանցելու և սեփականատերերի կողմից այդ համակարգերի հսկողությունը (վերահսկողությունը) ապահովելու կարգը և պետական ոռոգման համակարգերը ջրօգտագործողների ընկերություններին և ջրօգտագործողների ընկերությունների միություններին անհատույց օգտագործման իրավունքով փոխանցելու օրինակելի պայմանագրի ձևը
հաստատելու մասին» N 314-Ն որոշմամբ, ինչպես նաև ելնելով Ոռոգման համակարգերի բարելավման ծրագրի, Ոռոգման համակարգերի բարելավման ծրագրի -
Լրացուցիչ ֆինանսավորում ծրագրի, Ոռոգման համակարգերի արդիականացման
ծրագրի և Վեդի ջրամբարի և ոռոգման համակարգի կառուցման ծրագրի (այսուհետ՝
ծրագրեր) իրականացման արդյունքում կառուցված և վերականգնված հիդրոտեխնիկական կառուցվածքները, ինչպես նաև ձեռք բերված նյութերը, սարքերն ու
սարքավորումներն իրենց նպատակային նշանակությանը համապատասխան
օգտագործելու անհրաժեշտությունից՝ Հայաստանի Հանրապետության կառավարությունը ո ր ո շ ու մ է.
1. Ծրագրերի շրջանակներում կառուցված hիդրոտեխնիկական կառուցվածքներն ամրացնել Հայաստանի Հանրապետության տարածքային կառավարման և
ենթակառուցվածքների նախարարության ջրային կոմիտեին և՝
1) անհատույց օգտագործման իրավունքով հանձնել «Ջրառ» փակ բաժնետիրական ընկերությանը և լրացուցիչ բաժնետոմսերի տեղաբաշխման միջոցով
ավելացնել «Ջրառ» փակ բաժնետիրական ընկերության կանոնադրական կապիտալին՝ համաձայն N 1 հավելվածի.
2) անհատույց օգտագործման իրավունքով հանձնել ջրօգտագործողների
ընկերություններին՝ համաձայն N 2 հավելվածի.
3) նպատակային նշանակությանը համապատասխան օգտագործելու համար
նվիրաբերել Հայաստանի Հանրապետության Վայոց ձորի մարզի Զառիթափ
համայնքին (Բարձրունի բնակավայր)՝ համաձայն N 3 հավելվածի:
2. Ծրագրերի շրջանակներում վերականգնված hիդրոտեխնիկական կառուցվածքների՝
1) վերականգնման աշխատանքների արժեքի չափով ավելացնել «Ջրառ» փակ
բաժնետիրական ընկերության կողմից շահագործվող համապատասխան հիդրոտեխնիկական կառուցվածքների հաշվեկշռային արժեքը և լրացուցիչ բաժնետոմսերի
տեղաբաշխման միջոցով ավելացնել «Ջրառ» փակ բաժնետիրական ընկերության
կանոնադրական կապիտալը` համաձայն N 4 հավելվածի.
2) վերականգնման աշխատանքների արժեքի չափով ավելացնել ջրօգտագործողների ընկերությունների կողմից շահագործվող համապատասխան հիդրոտեխնիկական կառուցվածքների հաշվեկշռային արժեքը՝ համաձայն N 5 հավելվածի.
3) վերականգնման աշխատանքների արժեքի չափով ավելացնել համայնքային
սեփականություն հանդիսացող և ջրօգտագործողների ընկերությունների կողմից
շահագործվող համապատասխան ներտնտեսային ոռոգման համակարգի հաշվեկշռային արժեքը՝ համաձայն N 6 հավելվածի:
3. Ծրագրերի շրջանակներում ձեռք բերված կարգավարական (դիսպետչերական) հսկողության և տվյալների ձեռքբերման համակարգի հետ համատեղելի
ջրաչափական սարքավորումները`
1) լրացուցիչ բաժնետոմսերի տեղաբաշխման միջոցով ավելացնել «Ջրառ»
փակ բաժնետիրական ընկերության կանոնադրական կապիտալին` համաձայն N 7
հավելվածի.
2) նվիրաբերել ջրօգտագործողների ընկերություններին՝ համաձայն N 8
հավելվածի:
4. Ծրագրերի շրջանակներում «Բաղրամյան-Նոյակերտ ներտնտեսային
ոռոգման ցանցի կառուցում» պայմանագրով ձեռք բերված, սակայն չօգտագործված
24,559,773 դրամ արժողությամբ, 51 անվանում նյութերը, սարքերն ու սարքավորումներն
ամրացնել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին՝ համաձայն N 9 հավելվածի։
5. Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի նախագահին` սույն որոշումն
ուժի մեջ մտնելուց հետո` վեցամսյա ժամկետում Հայաստանի Հանրապետության
օրենսդրությամբ սահմանված կարգով ապահովել`
1) սույն որոշման N 1 հավելվածում նշված գույքի լրացուցիչ բաժնետոմսերի
տեղաբաշխման միջոցով «Ջրառ» փակ բաժնետիրական ընկերության կանոնադրական կապիտալին ավելացման, գույքի անհատույց օգտագործման պայմանագրերի կնքման և հանձնման-ընդունման գործընթացը.
2) սույն որոշման N 2 հավելվածում նշված գույքի անհատույց օգտագործման
պայմանագրերի կնքման և հանձնման-ընդունման գործընթացը.
3) սույն որոշման N 3 հավելվածում նշված գույքի նվիրաբերության պայմանագրի կնքման և հանձնման-ընդունման գործընթացը.
4) սույն որոշման N 4 հավելվածում նշված գույքի վերականգնման աշխատանքների արժեքի չափով համապատասխան հիդրոտեխնիկական կառուցվածքների հաշվեկշռային արժեքի ավելացման և այն լրացուցիչ բաժնետոմսերի տեղաբաշխման միջոցով «Ջրառ» փակ բաժնետիրական ընկերության կանոնադրական
կապիտալին ավելացման գործընթացը.
5) սույն որոշման N 5 հավելվածում նշված գույքի վերականգնման աշխատանքների արժեքի չափով համապատասխան հիդրոտեխնիկական կառուցվածքների հաշվեկշռային արժեքի ավելացման գործընթացը.
6) սույն որոշման N 6 հավելվածում նշված գույքի վերականգնման աշխատանքների արժեքի չափով համապատասխան ներտնտեսային ոռոգման համակարգի հաշվեկշռային արժեքի ավելացման գործընթացը.
7) սույն որոշման N 7 հավելվածում նշված գույքի լրացուցիչ բաժնետոմսերի
տեղաբաշխման միջոցով «Ջրառ» փակ բաժնետիրական ընկերության կանոնադրական կապիտալին ավելացման և հանձնման-ընդունման գործընթացը.
8) սույն որոշման N 8 հավելվածում նշված գույքի նվիրաբերության պայմանագրերի կնքման և հանձնման-ընդունման գործընթացը.
9) սույն որոշման N 9 հավելվածում նշված գույքը Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին հանձնման-ընդունման գործընթացը։
6. Սահմանել, որ սույն որոշման կատարման համար անհրաժեշտ ծախսերը
(պետական տուրքերը, նոտարական ծախսերը և այլն) համապատասխանաբար
կատարվում են «Ջրառ» փակ բաժնետիրական ընկերության, ջրօգտագործողների
ընկերությունների և Հայաստանի Հանրապետության Վայոց ձորի մարզի Զառիթափ
համայնքի միջոցների հաշվին:

հավելված1

հավելված2

հավելված3

հավելված4

հավելված5

հավելված6

հավելված7

հավելված8

հավելված9